އެމްޑީޕީގެ ވަގުތީ ޗެއާޕާސަން ހޮވަން ބޭއްވި ޖަލްސާގައި ވޯޓު ގުނުން އޮޅުވާލަން އިބްރޭ މަސައްކަތް ކުރުމުން މަސްލަހްތު ގެއްލި ޖަލްސާގެ ނިޒާމު ގެއްލިޖެ: ޤައުމީ މަޖިލީސް މެމްބަރުން

އެމްޑީޕީގެ ވަގުތީ ޗެއާޕާސަން ހޮވަން ބޭއްވި ޖަލްސާގައި ވޯޓު ގުނުން އޮޅުވާލަން އިބްރޭ މަސައްކަތް ކުރުމުން މަސްލަހްތު ގެއްލި ޖަލްސާގެ ނިޒާމު ގެއްލިޖެ: ޤައުމީ މަޖިލީސް މެމްބަރުން

އެމްޑީޕީގެ ވަގުތީ ޗެއާޕާސަން ހޮވަން ބޭއްވި ޖަލްސާގައި ވޯޓު ގުނުން އޮޅުވާލަން ޑެޕިޔުޓީ ޗެއަރ އިބްރާހިމް ވަހީދު (މަދަނަ އިބްރޭ) މަސައްކަތް ކުރި ކަމުގެ ތުހުމަތު ޤައުމީ މަޖިލީހުގެ ބައެއް މެމްބަރުން ކޮށްފިއެވެ. 

ވޯޓު ގުނުމުގައި ވެސް މަކަރު ހަދައި، ވޯޓުގެ އަދަދު އިއުލާނު ކުރުމުގައި ވެސް ޑެޕިޔުޓީ ޗެއަރ އިބްރޭ ވަނީ ސައްޙަ ނޫން ބޮޑު އަދަދުތަކެއް ކިޔައި ވޯޓު އޮޅުވާލަން މަސައްކަތް ކޮށްފައެވެ. 
އެއާއިއެކު ތަނުގެ މަސްލަހަތު ގެއްލި، ގިނަ ބަޔަކު ތަން ދޫކޮށް ނުކުތުމުން ޖަލްސާގެ ކޯރަމް އަދި ނިޒާމު ގެއްލި ވޯޓު ލުން ވަނީ ހުއްޓިފައެވެ. 
ޑެޕިޔުޓީ ޗެއަރ އިބްރާހިމް ވަހީދު (މަދަނަ އިބްރޭ) ވޯޓު ގިނަކޮށްގެން ނަތީޖާ އިއުލާން ކުރީ، ކުރީގެ ދިއްދޫ ދާއިރާގެ މަޖިލީސް މެމްބަރު ވައްޑެއަށް ލިބުނު ވޯޓުގެ އަދަދެވެ. 96 މެމްބަރުންގެ ތެރެއިން އޭނާއަށް 47 ވޯޓު ލިބުމުން އިއުލާން ކުރީ އެއަށްވުރެ ގިނައިން ވޯޓު ލިބުނު ކަމަށް ކަމަށް މައުލޫމާތު ލިބެއެވެ. ތަކުރާރުކޮށް ވޯޓު ލިބުނު އަދަދަށް ވުރެ ގިނައިން އެކި އަދަދު އިއުލާން ކުރުމުން ތަނުގެ އަޑު ގަދަވެ މަސްލަހަތު ގެއްލިގެން ދިޔައެވެ. 
ވަގުތީ ޗެއަރޕާސަން އަށް ކުރިމަތިލީ އަސްލަމާއި، ވައްޑެއާއި، މެމްބަރު އަބްދުލް ޣަފޫރު މޫސާ (ގަބޯ)އެވެ. 
ޑެޕިޔުޓީ ޗެއަރ އިބްރާހިމް ވަހީދު (މަދަނަ އިބްރޭ) ވަނީ އަސްލަމްގެ ނަން ވޯޓަށް އެހުމަށް ދެކޮޅު ހަދާފައެވެ. އެއީ އޭނާއަކީ ޤައުމީ މަޖިލީހުގެ މެމްބަރެއް ނޫން ކަމަށް ބުނެއެވެ. ނަމަވެސް އެއީ ޕާޓީގެ އެއްވެސް ގަވާއިދަކަށް ރިއާޔަތް ކޮށް މަދަނަ އިބްރޭ ނިންމި ނިންމުމެއް ނޫނެވެ. އެއަށްފަހު ވޯޓަށް އެހީ ވައްޑެ (ދިއްދޫ) އަށެވެ. އޭނާގެ ވޯޓު އޮޅުވާލަން މަދަނަ އިބްރޭ މަސައްކަތް ކުރުމުން އިތުރަށް ޖަލްސާ ކުރިއަށް ނުގެންދެވި، އިތުރަށް ވޯޓު ނުލިވިގެން ޖަލްސަ ނިންމާލީ ކަމަށް މައުލޫމާތު ލިބެއެވެ. 

ޚިޔާލު ފާޅުކުރައްވާ